Мутшо Татьяна Соловьеван, семже Геннадий Григорьевын «Шочмо ялыш корно». Татьяна Соловьева мура.
Шочмо ялыш корным
Нигунам ом мондо,
Пӱрымаш наҥгайыш
кеч тудын деч тораш.
Ял урем пустаҥын,
Тошто таҥ ешаҥын,
Мыйынат шке еш ынде
йӧратен илаш!
Вашлият да ужатет,
Ава гай вучет.
Молан лишыл тынаре улат?
Каена да мондена,
Жап эрта, пӧртылына.
Шочмо ял, тыяк веле кӱлат!
Шаршудан уремым,
Ах, кузе мондем мый?!
Юарлен куржталме тат
шинчаштем модеш.
Жап ок эрте, шонышым,
Куаненак ончышым.
Сылне жапым шарныктен,
ӱдырем куржеш.
Вашлият да ужатет,
Ава гай вучет.
Молан лишыл тынаре улат?
Каена да мондена,
Жап эрта, пӧртылына.
Шочмо ял, тыяк веле кӱлат!
Пӧрт воктен куэрыш,
Йӧраталме верыш,
Ончыч шӱшпык, толын,
мурыжым мурен.
Лышташ ден лӱҥгалтышым,
Шӱшпык пуыш тӱҥалтышым.
Шочмо ял,
тылат ынде йӧратен мурем!
Вашлият да ужатет,
Ава гай вучет.
Молан лишыл тынаре улат?
Каена да мондена,
Жап эрта, пӧртылына.
Шочмо ял, тыяк веле кӱлат!