М. Шкетан лӱмеш Марий калыкле драме театрыште 107-ше тургымым тӱҥалме шотышто пресс-конференций лийын, увертара «Кугарня» газет.
У тургымым 29 августышто «Колумб» драме дене почыт. Идалык жапыште 8 у спектакльым ямдылат.
Театрыш руш ончышымат кондаш руш йылме денат паша-влак лийыт. Мутлан, 7 сентябрьыште «Всеобъемлюще» комедий ончыкталтеш.
Режиссёр-влак тыгак кумдан палыме писатель-влак Николай Гогольын, Михаил Булгаковын произведенийышт почеш «Каче пазар» да «Записки молодого врача» спектакль-шамыч дене ончаш толшо-влакым куандарат.
У ий вашеш йоча-влаклан лум-шоу лиеш. «Снежная королева» уна-влакым сценыш лекше янлык-шамыч дене ӧрыктарышаш, тыгак тудо студент-актёр-влакын курсысо спектакльышт лиеш.
2026 ийыште Геннадий Гордеевын Иван Палантай нерген пьесыж почеш спектакльым вучыман. «Кубик Метрий», «Королева красоты» да моло паша-влак театрын репертуаржым пойдарат.
Кодшо кечылаште марий театр Москошто эртыше «Театран бульвар – 2025» фестивальыште лийын. Артистна-влак марий калык йомак негызеш ямдылыме «Нӧнчык патыр» сылнысеман спектакльым модыныт.
13 сентябрьыште Санкт-Петербургысо Александран театрже театрыште «Дядя Ваня» спектакльым ончыктат, тыгак Пошкырт кундемыш «Микулан – презе, Якулан – ӱдыр» мурсеман комедий дене гастрольыш каят.
Журналист-влакын йодышыштлан театрын сылнешке вуйлатышыже Василий Пектеев, тӱҥ режиссёр Роман Алексеев, режиссёр-влак Алексей Ямаев, Василий Домрачев да ик спектакльым шындаш ӱжмӧ режиссёр Олег Иркабаев вашештеныт, воза «Кугарня» жаплышташ.
MariUver
Фото: shketan.ru