ВИДЕО, мурын мутшо
Тошто марий такмак-влакым Марий Элын сулло артисткыже Раисия Данилова мура.
Данное видео в YouTube я загрузил почти десять лет назад, т. е. 22 ноября 2014 года. На сегодняшний день 9 апреля 2024 года просмотрено почти 142 тысячи раз. Один из комментаторов попросил слова частушек. Вот я ему и решил ответить.
Ош шовычем изирак да,
Изишак йолвам колтышаш.
Нине поро родем-шамычлан,
Изишак муралтен кодышаш.
Элнет воктеч толынам, вӱд воктеч толынам,
Кандывуй пеледышым поген толынам.
Кандывуй пеледыш гай мотор родо-шамычым,
Лӱмынак ужаш толынам.
Тошто тувырым она кудалте,
Тумыштен, мушкын чиена.
Тошто родымат она кудалте,
Миенак ужын толына.
Кугу вӱдшым вончаш кӱвар кӱлеш да,
Изи вӱдшым вончалаш пашма кӱлеш.
Еҥ керек-мом ойла гынат
Илышыште родо-тукым эре кӱлеш.
Изи гына ушкалын пырезыже улам да,
Чоя гына рывыжын игыже улам.
Чодраял ватын ӱдыржӧ улам да,
Мучаш ватын шешкыже улам.
Эҥыж вондо дене пӧртым ыштышаш,
Лышташыж ден леведшаш.
Ышкемын наҥгаен ончаш пӧртем уке гын,
Чылдырий йылмем дене леведшаш.
Ышкемын наҥгаен ончаш пӧртем уке гын,
Чылдырий йылмем дене леведшаш.
MariUver