Мутшо Геннадий Сабанцев-Оярын, семже Михаил Смирновын. Иван Смирнов мура.
Калыкна мемнан –
ик еш:
Чумыргалын иквереш
Таче кушталта-мура,
Ура чонжым кандара.
Эх вет, ох вет, томаша:
Тургым, сомыл да паша…
А кунам пыта паша,
Каналташ пырля келша.
Шеҥгек-ончыко ой ит ончо –
Шокталтал виян,
гармоньчо!
Тыштак теве тӱмырзӧ –
Чот йоҥгалтше тӱмыржӧ!
Сем почеш тулар-тулаче
Лийыч пуйто ӱдыр-каче:
Кертыт, кертыт – ух, ия!
Три-ли-ли, рия-рия!
Кид лывыргем рӱзалта,
Йол лывыргем тавалта,
Кап-кылыштем
вӱр модеш,
Самырык лияш йодеш.
Чу-ян, мом тый
ыштылат? –
Мом йолемжым
тошкалат?
Шоҥгешет, шоналтыде,
Шижтарет ала тыге?
Шеҥгек-ончыко ой ит ончо –
Шокталтал виян,
гармоньчо!
Тыштак теве тӱмырзӧ –
Чот йоҥгалтше тӱмыржӧ!
Сем почеш тулар-тулаче
Лийыч пуйто ӱдыр-каче:
Кертыт, кертыт – ух, ия!
Три-ли-ли, рия-рия!
Кас каваже волгалта –
Шӱдыр-чинчым
шавалта,
А мемнажым ик тӱшкаш
Чумырале «Марий кас».
Муралтал да кушталтал,
Мыскарат ден
воштылтал, –
Улына ме ты кастен
Рвезе пагытна пелен!
Шеҥгек-ончыко ой ит ончо –
Шокталтал виян,
гармоньчо!
Тыштак теве тӱмырзӧ –
Чот йоҥгалтше тӱмыржӧ!
Сем почеш тулар-тулаче
Лийыч пуйто ӱдыр-каче:
Кертыт, кертыт – ух, ия!
Три-ли-ли, рия-рия!
Три-ли-ли, рия-рия!
Кертыт, кертыт – ух, ия!
Три-ли-ли, рия-рия!
MariUver
Мурын мутшым 2026 ийысе 7-се августысо, 30 (25683) №-ан «Марий Эл» газет гыч налме